"أصلى يا مان"
**********
جلوس قيام جلوس قيام
حيله تمام .
سك اقفالك . واقعد نام .
اوعاك تفهم اوعى تركز .
انت مواطن "اصلى" يا مان .
اعمل من بنها او من طنطا
غمض عينك عيش اوهام
اوعى تشاور يوم على حلمك
مش من حقك .تاخد نفسك
اقفل بؤك .. لمّاا نقولك .
لو هتلسن!؟ يومك أسود
بنهار الغام .
انت مواطن "أصلى" يا مان .
**
ارفع ايدك . نزل رجلك
لملم جرحك واقتل فرحك
اركن مخك ف الحمام
و سع صدرك.واشفط بطنك
ضيع عمرك
واشكر ربك انك "اصلى"
عيش خدام ..
***
بقلمى
بهاء اللبودى
#راكب_مجرى
لحظات م العمر تعدى
بتخلى ساعاتك وردى!
ساعة الفرح تفوت
وكأنك راكب مجرى !
****
راكبين المر قطار
والعمر بيجرى فرار.
بزياده يا دنيا مرار
هو انا بينى ما بينك تار ؟!
دايما ضدى واقفه تعاندى
دايما يبقى .جوابك رفضى .
صابر ادينى
مستنّى تحنى
حنّى يا دنيا وعندى وهدّى .
***
ولا اقولك ؟!
مش عايز فرح
انا والحزن بقينا صحاب
لما يشق ..افتحله الباب
انا كلمته انا اقنعته .
لما يزورنى ! ميطولشى
خفافى خفافى ..
.. يرحل بدرى.
وهو مقدر ان انا طيب
عمرى فيوم لصحابى ما اخيب .
***
باى يا حزن ..سلام يا صاحبى
وابقى تعالى. فيوم كده بدرى
ناخد السهره من اولها ..
بس اوعدنى . انك تمشى .
ومطولشى .
*****
بقلمى:بهاء اللبودى
الشعر هو واصل او قنطره
من اخلاقك وثقافتك كفرد تربى ونشأ.... من و الى المجتمع .
يا تنقل أدب ؟!
يا تنقل قلة أدب ؟!
وانت حر.. الامر بسيط
****
بوب
حتى الدمع مهوش من حقك
لازم تفرد . لازم تضحك
وغصبٍ عنك ترسم وشك .
***
هى الدنيا كده دباحه
حابسه قلوبنا أنين . سفاحه
تطعن تغدر تجرح تقتل
زى ما تقتل
ولاا على بالها. ان جمالها
اخره تعاسه .
***
بهاء اللبودى
ربك بالحال .... اهو عالم
صبرك من عنده... يا عبد
عشمان يتجبّر ..... ظالم
هيجيله اليوم ..... يتهد
****
بقلمى
بهاء اللبودى
