عايز اقولك
****
على خدك شامه بتندهلى
تشاورلى وتضحك
تشاغلنى !!
وانا من جهلى
جيت على مهلى
استكشف روحك و ملامحك .
جيت على سحرك
لامح وردك فايح عطرك
يا غزالى وصورتك ف الننى
ساكنه الروح دى
انتى فحضنى قبل ما تبقى
عصفورة جنة و فأرضى
***
واما شفايفك تنطق اسمى
ضايع حقى
انا مستغنى
بس اسمع صوتك بيقولى
انا منك عنك انا جنبك
ياحبيبى عيونى
تستاهلك.
**
كل العالم
والدنيا دى تبقى فصفى
تيجى تهنّى
لو اسمع صوتك بتغنى
****
لونها عنيكى سهم رمانى
سيبت انا روحى
غصبٍ عنى
هيمانه فليلك بتحنّى
كف ايديكى رمش عنيكى
غرقنى فبحرك و فدمى .
توهت انا بيكى
سارح فيكى
مش عارف اقولك .
"على خدك شامه بتندهلى"
***
بقلمى بهاء اللبودى
ليست هناك تعليقات:
إرسال تعليق