إن جيت للحق
ماليش طلبات
ولا عايزه حاجات
ولا طمعانه
ايه معني الدنيا تكون ملكى
وانا بره حدودك عطشانه
إن جيت للحق انا ليه حقوق
اعشق و اتحب واحب و أدوق
من شهد الحب غروب وشروق
ما أنا ليه مشاعرى و انسانه
إن جيت للحق
ماليش طلبات
ولا عايزه حاجات ولا طمعانه
جربت أنساك ومفيش فايده
و أعتب علي قلبي إن جاب سيرتك
ألقاني بغيب وانسى الدنيا
وبتابع قصصك ومسيرتك
واحلم بلقانا زاى هيكون
من بعد غياب وسهر وسكون
و إزاي هنـهز بـشوقنا الكون
أنا اصلى بحبك بطرقيتك
إن جيت للحق
ماليش طلبات
ولا عايزه حاجات ولا طمعانه
كتر التفكير فيك خلانى
بنده علي كل الناس ب إسمك
وإن قالوا غيابك حلانى
علشان بتخيلنى بـجسمك
اعمل معروف كفاياك غيبه
وكفايا شعورى اني غريبه
عملالي اهو ألف نصيبه
بنزل وانا لبسه ساعات لبسك
إن جيت للحق
ماليش طلبات
ولا عايزه حاجات ولا طمعانه
#عفويات
#غنائية
ليست هناك تعليقات:
إرسال تعليق